Arabako Errioxak eta bere berezitasunak marka propio baten bilaketan irmo jarraitu behar dute, ardoaren bidez merkatu globalizatu batean eskualdea balio eta kalitate handiko aktibo gisa kokatzeko. Horixe izan da Vital Fundazioaren Foro Capitalaren laugarren topaketan ateratako ondorio nagusietako bat.
‘Rioja Alavesa, el valor de una marca’ izenburupean, hainbat esparrutako tokiko zein nazioarteko profesional nabarmenek parte hartu dute, ardogintzaren sektorean markaren balio estrategikoaz hausnartzeko.
Javier Ruiz de Galarretak, Araexeko presidente eta sortzaileak, gidatutako saioan honako hauek aritu dira hizlari: Daniele Manzone, Consorzio I Vini del Piemonte-ko zuzendaria; María Lara, Design Bridge-ko Estrategia arduraduna; Jesús Jean Arnedo, Minor Hoteles-eko zuzendari nagusia; Pablo Echávarri, Marqués de Riscal-eko esportazio zuzendaria; eta Chris Yorke, Austrian Wines-eko CEOa.