Puente ministroak Abiadura Handiko Trenaren garapenarekin duen konpromisoa adierazi zuen ARKABIAN emandako hitzaldian. Bertara gerturatu ziren Gasteizko, Arabako eta Euskadiko gizarteko 100 bat ordezkari. Puenteren hitzetan, Gasteiz, Bilbo eta Donostia Frantziako mugarekin lotuko dituen tren-azpiegiturak etorkizuneko mugikortasuna eramango du Euskadira, eta lurralde-kohesiorako motorra izango da. Esan zuenaren arabera, hiriburuen arteko mugikortasuna eraldatuko du. “Urtebete baino lehen amaituko dugu euskal “Y” osoaren trenbide-plataforma“, iragarri zuen Puentek.