Bilboko, Bizkaiko eta Euskadiko gizarteko 250 ordezkari inguruk osatutako entzulegoaren aurrean, Mikel Jauregi Letemendiak euskal industriak Europako beste herrialde batzuek  (Frantziak edo Alemaniak, besteak beste) baino energia-prezio handiagoa ordaintzen duela azpimarratu zuen, eta horrek desabantaila lehiakor nabarmena eragiten duela. Testuinguru horretan, industria babestuko duen energia-erregulazioa ezartzeko eskatu zion Espainiako Gobernuari, Europako beste estatu batzuetan aplikatzen denarekin bat eginez, argindarraren faktura sinplifikatzeko, energiaren azken kostua murrizteko eta industria-ehunaren lehiakortasuna bermatzeko, trantsizio energetikoa eta sare elektrikoan beharrezkoak diren inbertsioak arriskuan jarri gabe.