Foro Capitalaren zazpigarren saioak kazetaritzaren eta analisi politiko zein sozialaren arloko prestigio handiko gonbidatua izango du: Iñaki Gabilondo, informazio-analisiaren erreferente argia eta egungo errealitatea interpretatzeko ahotsik errespetatuenetako bat.

1942an Donostian jaioa, Gabilondok Radio Popularren hasi zuen bere ibilbide profesionala, eta bere ibilbidearen zatirik handiena Cadena SERen garatu zuen; bertan ia bi hamarkadaz zuzendu eta aurkeztu zuen Hoy por Hoy irratsaioa, Espainiako irrati liderra izan zena. TVEko Albistegietako zuzendari ere izan zen, baita CNN+ eta Movistar+ kateetan analista ere, eta zorroztasunagatik, independentziagatik eta analisi-sakontasunagatik erreferentziazko profesional gisa sendotu zen. Azken urtean, La 2 katean ‘La gran aventura de la lengua española’ saioa aurkeztu du Gabilondok, gazteleraren aberastasuna eta bilakaera ardatz dituen dibulgazio-proiektua.

Foro Capitalaren esparruan, Gabilondok Euskadiko, Espainiako eta nazioarteko testuinguruko egoera politikoari buruzko bere ikuspegia partekatuko du, eta gai hauek jorratuko ditu, besteak beste: gizartearen polarizazioa, gazteen artean eskuin muturraren gorakada, sare sozialen boterea, ‘fake news’ fenomenoa, Ukrainako eta Ekialde Ertaineko gatazkak edo immigrazioaren erronka .