Bilboko portua eta aireportua oso azpiegitura ezberdinak dira, baina elkarren osagarri dira, eta bokazio bera dute: Bizkaiko ekonomia bultzatzea, Euskadi munduarekin konektatzea eta, ondorioz, herritarren ongizatea sustatzea. Horixe izan zen ‘Conexión Bilbao’ ren ondorio nagusia. Izen hori jaso zuen Foro Gran Víaren V. edizioak, BBK Fundazioak bultzatzen duen elkarrizketarako, hausnarketarako eta ideietarako gunea, eta Iván Grande Bilboko Aireportuko zuzendariak eta Ivan Jimenez Bilboko Portuko Agintaritzako presidenteak protagonizatu zuten. BBK Aretora hurbildu ziren Bilboko eta Bizkaiko gizartearen, enpresaren eta ekonomiaren 200 ordezkari ingururen aurrean, Grandek aireportu-azpiegiturarako asmo handiko hazkunde-planak zehaztu zituen, nazioarteko trafikoak bultzatutako urteko 7 milioi bidaiarira iristen direnak, eta Jimenezek portuaren azken hamarkedatako bilakaera aztertu zuen eta egun ingurune logistiko konplexua dela baieztatu zuen aktoreen kontzentrazioak eta erronka geopolitikoek markatuta. Gainera, portu modernoek energia sortu, biltegiratu eta banatzeko gai diren hub energetikoetarantz eboluzionatu behar dutela nabarmendu zuen.